加拿大的日子(星期二)

我都沒空打字啦!每天就9:30上班,昨天就跟媽他們去ZARA SHOPPING,買了一百多塊的衣服啊!我想我又要開始儲錢了XD.今天跟GEORGE先生去看電影,哈利波特...其實我不太懂他們那種英語,搞到我都好難聽得到佢地講D乜野,整套電影還不錯的,不過如果我看了書再去看,會比較好!至於我上班,今天一點生意都沒有,真係好淡...有人走過來都是看兩眼就算,唉!我好想賣D野,MAYA,你幾時會打俾我>.< 我好想做銀行工:\

加拿大的日子(星期一)

今日都好靜,我只做咗四百蚊生意=.=" 見到SHERRY竟然一個星期做59個小時,我覺得佢真係好CRAZY. 唉

加拿大的日子(星期日)

今日真係好靜,個MALL都好似冇乜生意咁,我成日都只係做到百幾蚊生意. 希望MAYA可以介紹到我入去佢間公司到做野啦,因為我真係唔想留喺PARIS JEWELLERS到做野,D人又CHEAP,買唔起三百幾蚊嘅野. 我一個月做到四千蚊就好好了,真係唔知媽個朋友JENNY點可以做到百幾萬一年,一個月差唔多要賣八萬蚊到= =" 係我呢個MALL,真係冇乜可能發生呀!好惆悵,我唔知自己係敏感定係點,一聽到佢同另一個女仔用另一語調說話,我都好唔舒服...但佢又乜都冇講,仲叫我提醒佢,佢以後唔會,我真係覺得好奇怪,因為佢以前唔係咁,佢一定會話我好煩,令佢好辛苦之類的說話,總之幾難聽嘅都聽過. 其實我同佢之間係有冇可能呢? 神啊,我真係好想知道...我覺得好辛苦,咁樣嘅感情,如果會成真,我當然會等,但唔會嘅話,我會好傷心...我應唔應該博呢?

加拿大的日子(星期六)

今日時間都過得好快,轉眼間又到6點. 但我個頭痛一直都冇停過,其實我自己諗緊應唔應該返工嘅,不過我又覺得留喺屋企冇咩做,所以都係決定返工. 我今日都好出奇,竟然見到MAYA黎SHOPPERS到行街,佢仲話佢男友已經送左隻PROMISE RING俾佢,下年就會ENGAGE啦! 我真係嚇一跳 = =",估唔到佢地發展得咁快,個男仔遲D仲會同佢媽上黎,而且佢決定左要留係加拿大長住,我真係有D羨慕,不過我諗我都唔會有咁嘅緣分啦,唉. 我都好希望自己會咁幸福,不過呢D野都係隨緣啦,冇人知以後嘅事. 而且我仲係好盲目咁鐘意緊個人,我覺得自己真係幾傻,我試過放棄,但又重燃,唉. 神啊,究竟我應該點做? 佢係唔係我真正想要嗰個呀? 好矛盾啊,我都22歲,拖都冇拍過. 有時真係會好想搵個男朋友嘅,但我又唔知點解好怕同男仔有進一步距離 = =" 好奇怪,可能唔夠安全感? 我都唔知道.....